| |
 «Արքայական» ակումբի առաջատար Կրիշտիանու Ռոնալդուն հավատում է, որ մեկ շաբաթում կկարողանա վերականգնվել և մասնակցել Արքայական գավաթի եզրափակչին: Կրիշտիանուի մոտ խնդիրներն, ամենայն հավանականությամբ, առաջ եկան Դորտմունդի դեմ առաջին խաղի ժամանակ: Պորտուգալացին նստեց «Բեռնաբեուի» խոտածածկին, երբ զգաց, որ ինչ-որ բան այն չէ: Ակումբի բժշկի հետ խոսելուց հետո նա փոխարինվեց: Հաջորդ օրը Ռոնալդուն հետազոտություն անցավ, ինչը որևէ խնդիր չբացահայտեց, չնայած որ նա դեռ ցավեր էր զգում: Այնուհետև Կրիշտիանուն մարզվեց մարզասրահում՝ իր խաղընկերների հետ «Ռեալ Սոսիեդադի» դեմ խաղին մեկնելու փոխարեն: Որպես նախազգուշական միջոց՝ Կառլո Անչելոտին նրան դուրս թողեց հայտացուցակից: Կիրակի օրը պորտուգալացին թիմակիցների հետ մարզվեց «Վալդեբեբասում»: Երկուշաբթի օրը Ռոնալդուն թիմի հետ մեկնեց Դորտմունդ: Նա լավ տրամադրություն ուներ, ժպտում էր: Գնդակով հնարքներ էր կատարում, սակայն երբ փորձեց վազել, կտրուկ կանգ առավ, փոխվեց նաև նրա դեմքի արտահայտությունը՝ ժպիտն անհետացավ: Վազքի երկրորդ փորձի ժամանակ ակնհայտ դարձավ, որ ինչ-որ բան այն չէր: Կարիմ Բենզեման նույնսիկ հարցրեց՝
«Ցավեր ունե՞ս»: Մարզումները սկսելուն պես Ռոնալդուն լքեց այն: Հանդերձարանում և թիմի հյուրանոցում Ռոնալդուն պատմել էր խաղընկերներին, որ մկանային խնդիրներ ունի: |
| ||||
1901| 
09:48
