Կառլո Միքելանջելո Անչելոտտի (իտալ.՝ Carlo Michelangelo Ancelotti, ծնվ. հունիսի 10, 1959, Ռեջիոլո, Իտալիա), իտալացի ֆուտբոլային մարզիչ, նախկինում ՝ խաղացող (կիսապաշտպան)։ Ներկայում մարզում է Մադրիդի Ռեալ ակումբը (2013 թվականի հունիսի 25-ից)։ Նրա մականունն է Կառլետտո։ ԽԱՂԱՅԻՆ ԿԱՐԻԵՐԱ՝ Անչելոտտին խաղացել է որպես կիսապաշտպան Ռոմայում՝ լինելով թիմի ավագը և նվաճել է ակումբի հետ մեկ անգամ Իտալայի չեպիոնի տիտղոսը և չորս անգամ Իտալիայի գավաթը, ինչպես նաև խաղացել է Միլանում 1980-ականների վերջում, որի հետ երկու անգամ դարձել է Իտալիայի չեմպիոն և երկու անգամ նվաճել է Չեմպիոնների լիգայի գավաթը հինգ տարվա ընթացքում։ Իտալիայի ազգային հավաքականում անցկացրել է 26 խաղ և խփել մեկ գնդակ, մասնակցել է 1990-ի աշխարհի գավաթին։ ՄԱՐԶՉԱԿԱՆ ԿԱՐԻԵՐԱ՝ Գլխավորել է իտալական ակումբներից «Ռեջանան», «Պարման» և «Յուվենթուսը», վերջինիս հետ նվաճել է Ինտերտոտոյի գավաթը 1999 թվականին: 2001 թվականին նա դարձավ «Միլանի» գլխավոր մարզիչ և այդ ակումբի հետ հասավ նվաճումների գագաթնակետին՝ 2004 թվականին նա հաղթեց առաջնությունում և 2 անգամ անընդմեջ Չեմպիոնների Լիգան, դառնալով այն 18 մարզիչներից, որոնք հաղթել են վերջին տիտղոսը: 2009-ին անցավ Լոնդոնի «Չելսիի» ղեկին, որի հետ ձևակերպես ոսկե դուբլ մեկ տարում, նվաճելով Անգլիական Պրեմիեր Լիգան և Անգլիայի գավաթը. 2011 թվականի Մայիսի 22-ին Անչելոտտին հեռացվել է «Չելսիի» գլխավոր մարզչի պաշտոնից: 2011 թվականի դեկտեմբերի 30-ին նշանակվել է Ֆրանսիական «Պարի Սեն Ժերմենի» գլխավոր մարզիչ: 2012/2013թթ մրցաշրջանում նվաճեց Ֆրանսիայի առաջնության գավաթը իր նոր թիմի հետ: 2013 թվականի հունիսի 25-ին «Արքայական» ակումբի պաշտոնական կայքում հայտնվեց հայտարարություն, ըստ որ Իտալացի մասնագետը կգլխավորի թիմը հաջորդ տարվա մեկնարկին: |